من طرف وسيم محمود عبدالله السبت ديسمبر 18, 2010 11:01 pm
الاول انا بعتذر جدا لإدارة الموقع على عدم مشاركتى الفتره السابقه رغم تسجيلى فى الموقع الجميل ده من شهر تقريباوالحقيقه الموقع ده جميل جدا بالناس والاعضاء الرجاله اللى مش راضيين عن الفشل وعلى رأسهم الاستاذ المحترم شكرى اغا اللى بشكره شكر خاص وبقوله هو ده الشغل الصح اللى كان نفسنا فيه عشان لازم وضرورى جدا يا جماعه الناس والاعضاء الجدد اللى لسه ميعرفوش حاجه عن النادى يعرفوا ويفهمواايه هو نادى الطالبيه.
انا مش هذكر اسماء معينه عشان ممكن انسى ناس كتير لكن اتمنى انى اكون من اوائل المشاركين فى قسم الرواد ومؤسسين النادى واحاول اقول حاجه للأعضاء الجدد اللى كتير منهم للأسف واخد فكره سيئه عن النادى واللى مش واخد فكره سيئه اكيد اكيد مخدوع فى ظل وجود اداره تجاريه زى ما بيقولوا بتعرف تلعب بالبيضه والحجر
بإختصار عشان مطولش فكلامى الناس الرواد والمؤسسين اللى موجود منهم حاليا او اللى توفاه الله كانت اول اهدافهم اهداف اخلاقيه ودى حاجه للأسف من الصعب وجودها حاليا فى ظل وجود ناس مختلفه تماما اول اهدافهم اهداف ماديه واحيانا بتكون اهداف شخصيه
وان شاء الله ربنا يوفق ادارة الموقع بشأن القسم الجميل اللى هيعرف الناس كلها تاريخ النادى وبعدين انتوا اللى هتقارنوا وهتعرفوا الفرق